Ita-nia E-mail ho seguransa tomak

Spam

  • Saída maka ne’e?

    Spam iha email katak ita simu mensajen ne'ebé ita lakohi, ema haruka barak ba rede kontaktu ema nian normalmente ho intensaun publisidade

  • Halo oinsá maka bele Evita?

    Labele divulga ita-nia email ba ema seluk no publika ba site sira;

    Uza email seluk tuir ninia objetivu rasik, ezemplu email ida ba kontaktu pessoál no ida seluk ba inskrisaun iha site ka subskrisaun informasaun nian;

    Fó-hatene mensajen SPAM nebe’e ita simu husi servisu email, se ita fó-hatene beibeik sei sai fasil liután atu bele indentifika padraun email spam sira-ne’e haruka husi ne'ebé, nia filtru sei refina liután. Karik iha SAPO Mail ita bele fó-hatene kedas SPAM liu husi butaun atu hasai tiha ka muda tiha ba pasta SPAM nian;

    Labele haruka email ba lista kontaktu hotu-hotu, tamba ida-ne’e depois sei haruka tutan ba ema barak no kontaktu hotu-hotu ne'e bele sai alvu di'ak ida ba spammers;

    Nunka atu bele hatan email spam nian, hanesan ne’e ita hatudu katak email permanese ativu no kontinua sai hanesan alvu ba email ne'ebé ita lakohi atu simu.

anubis networks fornese solusaun Anti-SPAM SAPO Mail nian

Phishing

  • Saída maka ne’e?

    Phishing hanesan modu fradulentu ida atu hetan informasaun ne'ebé labele fahe , liu husi Internet. Dala barak ita simu hanesan pedidu informasaun, hanesan login no password, nºs kartaun kréditu, ne'ebé ita labele hatan ba.

    Situasaun resente liu husi email ne'ebé ita haruka ho link ba pájina ho programa ne'ebé prontu atu instala iha ita-nia komputadór. Programa sira-ne’e halibur informasaun konabá ita-nia utilizasaun Internet nian depois haruka tutan dadus sira-ne’e ba ema seluk ho uzu hanesan hateten iha leten.

  • Halo nu'usá maka bele Evita?

    La haruka informasaun pessoál liuhusi email: nº kartaun kréditu, username no password;

    Labele tuir link iha email ne'ebé ita suspeita ka preenxe kualkér formuláriu ho pedidu informasaun;

    Karik ita iha dúvida atu liga ka haruka tutan mensajen ba remetente atu konfirma mos hanesan de'it. Email phishing bele haruka liuhusi kontaktu ka empreza ne'ebé koñesidu;

    Iha kuidadu wainhira ba site iha fatin públiku.

Vírus

  • Saída maka ne’e?

    Vírus hanesan programa ou instrusaun prejudisiál ida-nebe’e programadór sira dezenvolve atu infekta sistema komputadór nian. Virus halo kópia barak atu bele disemina liuhusi meius oin-oin, ba komputadór seluk.

    Dala barak virús haruka liuhusi file aneksadu iha email ne'ebé labele loke.

  • Halo nu'usá maka bele Evita?

    Iha kuidadu ho emails husi remetente deskoñesidu, labele loke kualkér aneksu ka link email ida-ne’e, hamoos kedas email sira-ne’e;

    Konfirma uluk katak file sira-nebe’e ita simu husi remetente ne'ebé maka ita koñese duni. Iha skema ba na'ok identidade atu nune’e ema seluk bele haruka email ho ema ka identidade koñesida.

    Atualiza beibeik anti-vírus iha ita-nia komputadór.

    Ezemplu:

    Simu karik email husi ita-nia kolega ne'ebé haruka fotografia férias nian, ita di'akliu konfirma uluk se nia duni maka haruka email ne’e ka lae.

    Se simu email husi ita-nia banku labele klik iha link atu halo login iha konta, maibé ita ba login iha site maka ita foin bele halo login. Ema sira haruka email hanesan ne'e atu bele hetan ita nia dadus asesu ba konta bankária nian.

Jestaun Passwords

Dikas

Labele uza password ne'ebé fásil liu atu ema seluk hatene hanesan naran, klubu futeból, data moris nian, informasaun ne'ebé iha email laran;

Di'akliu ita tau password ho karaktér tipu oin-oin;

Password tenki altera ho frekuénsia;

Atu altera password husi Mail SAPO nian ita bele halo iha kualkér tempu iha área kliente nian, niha-ne'e.